पार्वत गुरुङ नेपाली राजनीतिमा इमान्दार र कर्मशील राजनीतिज्ञका रुपमा परिचित नाम हो । उहाँ सदैव जनताप्रति समर्पित र सेवाभावले ओतप्रोत व्यक्तित्व हुनुहन्छ । उहाँको संघर्षपुर्ण जीवन, स्वच्छ र निश्कलंकित छवि र जनमुखी कार्यले उहाँलाई कर्मठ राजनीतिक पात्रका रुपमा परिचित गराएको छ ।

दोलखामै जन्मिएर दोलखालीकै हितका लागि सक्रिय रहनुभएका उहाँको नेतृत्व र पहलमा दोलखामा उल्लेखनिय उपलब्धीहरु हाँसिल भएका छन् । उहाँ इमानदारिता, जनताको सुखदुःखमा हमेसा साथ र राजनीतिलाई पेशा नभई उद्यमशीलतामार्फत समाजसेवाको रुपमा अघि बढाउँदै आउनुभएको नेतृत्व हुनुहुन्छ । संविधानसभा सदस्य (२०७०) प्रतिनिधिसभा सदस्य (२०७४–२०७९) र महिला बालबालिका तथा ज्येष्ठ नागरिक मन्त्री र सञ्चार तथा सूचना प्रविधि मन्त्रीको जिम्मेवारीमा रहँदा उहाँको पहलमा भएका कामको प्रभाव देशैभर रह्यो र रहिरहेको छ ।